సూక్తి-62 - అపృచ్ఛం పుత్రదారాదీన్

సంస్కృతసూక్తిరత్నకోశః – ప్రథమా మంజూషా-62
 

అపృచ్ఛం పుత్రదారాదీంస్తైరుక్తోఽహం రఘూత్తమ ।
పాపం తవైవ తత్సర్వం వయం తు ఫలభాగినః. 62.
 

తాత్పర్యము-
(దారపుత్రాదులపోషణం కోసం అనేక పాపాలు చేస్తున్న వ్యాధుణ్ణి చూచి- "నీవిన్ని పాపాలు చేస్తున్నావు కదా, వీటని నీ దారపుత్రాదులు కూడా పంచుకొంటారా? వాళ్ళను అడుగుము." అని మునులు చెప్పి పంపుతారు. అతడు తిరిగి వచ్చి వాళ్ళు అన్న మాటలు చెపుతాడు) 

"రామా! నేను దారపత్రాదులను అడిగితే 'పాపం అంతా నీదే; నీవు చేసిన పాప కార్యాల ఫలితంగా లభించిన ధనాదులలోనే మేము భాగస్వాములం.” అని చెప్పినారు".